Monday, August 29, 2016

મારી દિકરીએ પુછયુ મમ્મી પ્રોસટીટ્યુટ એટલે શુ...

બનાસકાંઠાના વાડીયામાં રહેતી સોનલે લગ્ન કરવાનો નિર્ણય કર્યો અને આખા ગામમાં ધમાલ મચી ગઈ. સોનલ લગ્ન કરી રહી છે. આ તો હરગીજ ચલાવી લેવાય નહીં. આખુ વાડીયા ગામ દેહવિક્રયનો ધંધો કરે છે, અહિયા દિકરી જન્મે એટલે આનંદ થાય છે કારણ ઘરમાં કમાનારી વ્યકિતમાં ઉમેરો થાય છે, જયારે દિકરો જન્મે તો ભવીષ્યનો તે દલાલ થાય છે. આ તેમના માટે પારંપરીક કામ છે. અહિયા આ કામને કોઈ ખરાબ ગણતુ નથી, પણ સોનલ ગામની બીજી છોકરીઓ કરતા જુદુ વિચારતી હતી, તેને આ નર્કમય જીંદગીમાંથી બહાર નિકળવુ હતું. ત્યારે જ તેને અનીલ મળી ગયો. બન્ને ભાગી છુટયા અને લગ્ન પણ કર્યા.

દેશમાં દેહવિક્રયના ધંધામા રહેલી સ્ત્રી પહેલી વખત લગ્ન કરી રહી તેવુ ન્હોતુ, છતાં સોનલને આ ધંધામાં ફરી લાવવા માટે દલાલો સહિત ખુદ તેના સગાઓ પાછળ પડયા હતા, સતત ભાગી રહેલા સોનલ અને અનીલ એક મીત્ર દ્વારા મને મળ્યા, તેમને મદદ જોઈતી હતી,તેમની વાત અખબાર અને ટીવીમાં આવે તો કદાચ તંત્ર તેમની મદદે આવે તેવી અપેક્ષા હતી. મેં મારા સાથી પત્રકારોને વિનંતી કરી અને તેઓ તેમની વાત કહેવા માટે રાજી થયા, જયારે પત્રકારો આવ્યા ત્યારે મારી સાથે પંદર વર્ષની દિકરી પ્રાર્થના પણ ત્યાં હતી, તેણે મને આંખના ઈશારે પુછયુ હું બેસી શકુ.. મેં તેને હા પાડી. પછી સોનલ અને અનીલના ઈન્ટરવ્યુ ચાલતા રહ્યા, કેટલાંક પ્રશ્નમાં સંવેદનશીલતાનો અભાવ  પણ હતો.,છતાં પણ પત્રકારોનો પણ ધંધો હતો. એક તબ્બકે એક પ્રશ્નના ઉત્તરમાં અનીલે કહી દીધુ હું સમાજ સુધારક નથી, મેં સોનલને પ્રેમ કર્યો છે માટે તેને લઈ ભાગ્યો છુ.

મારી દિકરી પત્રકારોના પ્રશ્ન અને સોનલના ઉત્તર ધ્યાનથી સાંભળતી  હતી, તેના ચહેરા ઉપર કૌતુકભાવ હતો, તેને સોનલની તકલીફ સમજાતી ન્હોતી. તે થોડીવાર માટે ઉભી થઈ રસોડામાં ગઈ તેણે મારી પત્નીને કઈક પુછયુ, મારી પત્નીએ તેના પ્રશ્નનો ઉત્તર પણ આપ્યો છતાં તે ફરી પાછી ઈન્ટરવ્યુમાં આવી બેઠી ત્યારે પણ તેના ચહેરા ઉપર પ્રશ્નાર્થ ભાવ જ હતો. થોડી થોડી વારે પત્રકારો બદલાઈ રહ્યા હતા, પણ સોનલ અને અનીલને તો બધાને એક સરખા જ જવાબ આપવાના હતા. પત્રકારો નિકળ્યા પછી મેં મારી પત્નીને પુછયુ કે દિકરી તને શુ પુછવા માટે અંદર આવી હતી. તેણે જવાબ આપ્યો તેણે તેણે મને પુછયુ પ્રોસટીટ્યુટ એટલે શુ..

દિકરીના પ્રશ્નનો ઉત્તર શુ આપવા પહેલા તો મને ખબર જ ના પડી, છતાં મેં તેને સમજાય અને સમજાવી શકાય તે ભાષામાં તેનો અર્થ સમજાવ્યો, પણ તેણે કહ્યુ મને તો કઈ ખબર જ પડી નહીં. એટલે કહ્યુ હવે તને તારા પપ્પા સમજાવશે, જો કે મારી દિકરીએ હજી મને તે શબ્દનો અર્થ પુછયો નથી, પણ સોનલ લગભગ  હમણાં મારી દીકરીની જ ઉમંરની હતી ત્યારે આ ધંધામાં તેની માતાએ ધકેલી દિધી હતીઆ , એક કડવી વાસ્વીકતા હતી કે જયારે મારી દિકરીને આ શબ્દનો અર્થ પણ ખબર નથી ત્યારે સોનલ તે જ ઉમંરે આ ધંધાનો ભાગ બની ગઈ હતી. અને આજે તે પાણી વગર તરફડતી માછલીને જેમ ત્યાંથી નિકળવા માટે ધમપછાડા કરી રહી હતી. મને હતું કે સોનલ અને અનીલને મદદ મળશે અને તેમનો કઈક રસ્તો નિકળશે.

પણ તેમની વારતામાં એક નવો વળાંક આવ્યો, જે અંગે આપણને તો ઠીક પણ ખુદ સોનલને પણ ખબર ન્હોતી, જયારે સોનલ અને અનીલના ઈન્ટરવ્યુ પછી તેની જાણ થઈ ત્યારે હું પણ હચમચી ગયો, મોડી રાત સુધી તેમના વિચારોએ મને ઘેરી લીધો હતો. આગળ શુ થશે અને હેપી એન્ડ કેવી રીતે આવશે તેની કોઈને જ ખબર નથી, છતાં સોનલની ટ્રેજીક વારતા પાછળની વારતા શુ છે તે હું તમને કહીશ પણ તે માટે થોડીક રાહ જોવી પડશે, કારણ દરેક દર કલાકે વારતાનો સીન ઝડપભેર બદલાઈ રહ્યો છે. સોનલ અને અનીલની સ્ટોરીમાં નવા કેરેકટરો ઉમેરાતા જાય છે.

10 comments:

  1. By the help of government and social machinery it's responsibility to take out the Vadiya villeger from it and merge into right track

    ReplyDelete
  2. Sonal tamaro task banigayo che sir ?

    ReplyDelete
  3. તમામ સવાલ સવાલનો એક જ જવાબ છે... પ્રેમ...

    ReplyDelete
  4. During the age of15 the individual growing organically.During this growth the children are asking some typical question and putting parents in an embarrassing position.Even though it is necessary for the parents to brief them

    ReplyDelete
  5. During the age of15 the individual growing organically.During this growth the children are asking some typical question and putting parents in an embarrassing position.Even though it is necessary for the parents to brief them

    ReplyDelete