Saturday, July 30, 2016

મારી પત્નીને મારી દયા પણ ના આવી મને મામા બનાવી દીધો

આપણે અગાઉ વાત કરી ચુકયા છીએ કે રવિવારે રોજના વિષયની બહાર જઈ લખવુ, એક પત્રકાર તરીકે તમારી સ્ટોરીનો વિષય તમે પોતે કયારેય હોતા નથી, પણ જાત ઉપર હસી લેવુ જોઈ, આમ  જુવો જાવ તો પતિ-પત્નીના સંબંધ કોમેડીથી ભરપુર  હોય છે. બસ પોતાના અને પત્ની સંબંધ ઉપર કઈ,  રીતે હસી શકાય તે જોવાની દ્ર્ષ્ટી કેળવવી પડે.

તો વાતની શરૂઆત મારી અને મારી પત્ની શિવાનીથી જ કરીએ, અનેક વખત અમારી વચ્ચે પણ ઝઘડા થાય છે, જો કે ઝઘડો ભલે વર્તમાન કાળ સાથે નીસ્બત રાખતો હોય , પણ એક ક્ષણમાં તે 1857માં તે  મને શુ કહ્યુ અને 1930માં મેં તને શુ જવાબ આપ્યો હતો એટલા  પાછળ સુધીની વાતોનો પણ હિસાબ કરી નાખતા હોઈએ છીએ, મારી પત્ની ભોળી છે કઈ બાકી રાખતી નથી, તેને ઉધાર રાખવાની કઈ ટેવ નથી એટલે બધુ મોઢા-મોઢ જ પતાવી નાખે છે, બધુ જ બોલી ગયા પછી મને કહે મને તમારી જેમ મનમાં રાખતા આવડતુ નથી, મને જે લાગ્યુ તે બોલી નાખ્યુ.. પણ મારૂ મને કહે તે બોલી નાખ્યુ પણ બધુ બોલવા જેવુ હોતુ નથી, હ્રદય ઉપર ઉજરડા પડે તો ચાલે પણ અહિયા તો હ્રદયના બે ટુકડા થઈ જાય તેવુ બોલે છે.

મારી પત્ની બોલ્યા વગર પણ ઘણુ કહી જાય છે. કદાચ આ સ્ટાઈલ  તે નરેન્દ્ર મોદી પાસેથી શીખી હશે, મોદીજી જાહેર સભામાં મીયા મુશરફ કહી મુશરફને ગાળો આપતા હતા, પ્રજા તાળી પાડતી હતી, પછી બીજા વાકયથી મુશરફ શબ્દ ગાયબ થઈ જતો અને માત્ર મીયા કહી વધુ ગાળો આપતા હતા. મોદી અને તેમના ભકતો બન્ને જાણતા હતા કે મોદીસાહેબ મુશરફને નહીં ભારતના મુસલમાનોને ભાંડી રહ્યા છે. આમ છતાં ચુંટણીપંચ અને મુસલીમો મોદીનો કાઠલો પકડી શકે નહીં તરત મોદી સાહેબ કહે લો ભારતમાં મુશરફને પણ ગાળો નહીં આપવાની, મુશરફને ગાળો આપી તો કોંગ્રેસીઓ અને કહેવાતા બીનસાપ્રદાઈકોના પેટમાં તેલ રેડાયુ.

મોદી સાહેબને રહેવા દો પાછા અહિયા મારી ઉપર પસ્તાળ પડશે પત્ની અને મોદીને એક સાથે દુશ્મન બનાવાનો કોઈ અર્થ નથી, હમણાં જયારે હું આ પોસ્ટ લખવા બેઠો છુ ત્યારે મારી પત્નીની સવાર થઈ નથી, તે સુઈ રહી છે, ત્યારે તેની વિરૂધ્ધના કેટલાંક કામ પતાવી દેવા, આમ પણ આજે રવિવાર છે મારી પાસે કઈ ખાસ કામ નથી એટલે મારી પોસ્ટ વાંચ્યા પછી રમખાણ થાય તો સમય ફાળવી શકાય તેમ છે. હા આપણે વાત કરતી હતા કે સ્ત્રીમાં એક આવડત હોય છે કે  તે બીટવીન્ધી લાઈન્સ તમને ઘણુ કહી શકે અને સમજાવી પણ શકે, અને તમે કઈ જ બોલી ના શકો..

અમારે ત્યાં એક પરિચીત બહેન આવે છે, હું અને મારી પત્ની તેમને અનેક વખત મળ્યા છે, બધુ બહુ સહજ અને સરળ રીતે ચાલી રહ્યુ હતું. એક દિવસ સવારે તે બહેન મારી ઘરે આવી પહોચ્યા , હું સોફા ઉપર બેસી મારા લેપટોપ ઉપર કઈક કામ કરી રહ્યો હતો, મારી નજર બહેન સાથે આવેલી તેમની નાનકડી પાંચ વર્ષની દિકરી ઉપર પડી, તે અત્યંત નાજુક અને પહેલી નજરે ગમી જાય તેવી વ્હાલી હતી. તેથી સાથે વાત કરી પાછો હું કામ લાગ્યો.

મારી પત્ની, પેલા બહેન અને તેમની દિકરી ત્રણે અંદરના રૂમમાં ગયા, થોડીવાર પછી પેલા બહેન પોતાના ઘરે જવા નિકળ્યા, એટલે મેં પેલા નાનકડી ઢીંગલીને કહ્યુ આવજે બેટા. આ બહુ સહજ બાબત હતી, પેલી બાળકી પાછળ ઉભી રહેલી મારી પત્નીએ પેલી બાળકીનો હાથ પકડી કહ્યુ મામાને આવજો કહી દે... પેલી બાળકીએ મને આવજો કહ્યુ.. મારી પત્નીએ મને મામા કેમ બનાવ્યો હું તો સમજી ગયો, તમે પણ સમજી ગયા હશો. મને પેલા બહેન ગયા પછી વિચાર આવ્યો, મોદી સ્માર્ટ  સિટી બનાવે કે નહીં પણ ભગવાને તો બધા બૈરા સ્માર્ટ બનાવ્યા છે.

પેલી નાનકડી બાળકી પાસે મને મામા કહેડાવી મારી પત્નીએ મને એક સાથે અનેક વાતો કહી દીધી હતી, પહેલુ તે કહેવા માગતી હશે, સખણા રહેજો રાજ.... બીજુ કઈ વિચારતા નહીં.... આવનાર બહેન સામે ખરેખર બહેનની જ નજરે જોવાનું છે..... મને તમારા મનમાં શુ ચાલી રહ્યુ છે તેની ખબર પડે છે. જો કે મારી પત્ની મારા અંગે જે કઈ વિચારે તે એકાદ બે ઘટનાને  બાદ કરતા સાચી  પડી છે. ઘણી વખત તે મને કહે છે તમને જન્મ જ નથી આપ્યો એટલુ જ , તમારી માં કરતા પણ તમને વધારે ઓળખુ છે.. કયારેક કયારેક એવુ લાગે છે કે વધારે પડતુ ઓળખી ગઈ છે પણ . હવે મારી પત્નીને  પેલી ઢીંગલી જેવી રૂપાળી નાનકડી છોકરી પાસે મામા કહેવડાવવાની કયાં જરૂર હતી.

પાછી કહે હું તો તમને કઈ કહેતી જ નથી, હવે જો હું આ મુદ્દો સવારની ગોળમેજી  પરિષદમાં ઉપસ્થિત કરૂ કે તે મને મામા કેમ બનાવ્યો તો મારે જ કેટલાંક ખુલાસા આપવા પડે, કે મારા મનમાં તુ વિચારે તેવુ કઈ નથી, મારી જીંદગીં તારૂ કેટલુ મહત્વ છે વગેરે વગેરે હવે પચાસી વટાવ્યા  પછી હવે  ખોટુ બોલવાનો પણ થાક લાગી જાય છે.. બે ત્રણ વાકય ખોટા બોલી જવાય પણ એકાદ કલાક સતત ખોટુ બોલી શકાતુ નથી, એક જમાનો હતો આખો દિવસ ખોટુ બોલતો છતાં ફ્રેશ  રહેતો હતો.

મેં વિચાર કર્યો, મારી ઘરે અથવા રસ્તામાં મારી પત્નીના અનેક પરિચીત(પુરૂષ) મળી જાય છે ત્યારે મેં તો મારા બાળકોને કયારેય કહ્યુ નથી બેટા મામાને નમસ્તે કરો.. મને બહુ ગુસ્સો આવ્યો પુરૂષ થયા એટલે અમારો વાંક કાયમ અમારે જ ચારીત્રના પુરાવા આપવા.. પાંચ-દસ વખત ભુલ થઈ એટલે બારે મહિના  થોડો ભાદરવો ચાલતો હોય.. મને ખબર હતી  ગુસ્સો કરવાનો કોઈ અર્થ નથી કારણ ઝઘડા બાદ શરણાર્થી તો કાયમ હુ જ હોઉ છુ.

19 comments:

  1. ગનિમત સમજો કે " મામા - જી " ના કહ્યા. . . . .

    અને હા , આપે ભાણીને મામારૂપ વ્યવહાર કર્યો કે નહીં 😉

    ReplyDelete
  2. ગનિમત સમજો કે " મામા - જી " ના કહ્યા. . . . .

    અને હા , આપે ભાણીને મામારૂપ વ્યવહાર કર્યો કે નહીં 😉

    ReplyDelete
  3. ગનિમત સમજો કે " મામા - જી " ના કહ્યા. . . . .

    અને હા , આપે ભાણીને મામારૂપ વ્યવહાર કર્યો કે નહીં 😉

    ReplyDelete
  4. Replies
    1. તમને જન્મ નથી આપ્યો એટલુંજ, તમારી માં કરતા પણ વધારે ઓળખું છુ
      વાહ ભાભી

      Delete
    2. તમને જન્મ નથી આપ્યો એટલુંજ, તમારી માં કરતા પણ વધારે ઓળખું છુ
      વાહ ભાભી

      Delete
  5. Prathna na janimama shu kare che

    ReplyDelete
  6. પાંચ-દસ વખત ભુલ થઈ એટલે બારે મહિના થોડો ભાદરવો ચાલતો હોય. ;)

    ReplyDelete
  7. પાંચ-દસ વખત ભુલ થઈ..... ? haju pan ek bhul karine...?

    ReplyDelete
  8. Once same thing happened in my life also one woman earlier our tenant used to visit our residence frequently and was newly married as and when she used to come she used to call my mother as Motiben though she was very young and then talk to me with her smiling face.Once she came to my residence in my absence and enquired about me and immediately left the house.When I came to home my daughter told that papa your Masi came l surprised and told that which Mashi our earlier tenant l told my wife why you made her my Madison.She replied that she is calling your mother as Motiben with angry face and later smiled.Thanks for remembering my old memories by this article.

    ReplyDelete
  9. Once same thing happened in my life also one woman earlier our tenant used to visit our residence frequently and was newly married as and when she used to come she used to call my mother as Motiben though she was very young and then talk to me with her smiling face.Once she came to my residence in my absence and enquired about me and immediately left the house.When I came to home my daughter told that papa your Masi came l surprised and told that which Mashi our earlier tenant l told my wife why you made her my Madison.She replied that she is calling your mother as Motiben with angry face and later smiled.Thanks for remembering my old memories by this article.

    ReplyDelete
  10. Good answer from bhabhi right mama

    ReplyDelete
  11. Good answer from bhabhi right mama

    ReplyDelete