Sunday, July 31, 2016

દિલ તો બચ્ચા હે જી...

અમદાવાદના સરદાર પટેલની સ્ટેડીયમની બહાર એક ચ્હાની લારી છે, રોજ સવારના આઠ વાગે એક અલગ અલગ સ્કુટર  ઉપર ચીચીયારીઓ પાડતુ એક  ટોળુ આવે,તમને  લાગતુ હશે કે ચીચીયારી પાડતુ ટોળુ એટલે યુવાનો આવતા હશે.. પણ જો તમે તેવુ માની લીધુ હોય તો ખોટા છો, આ બધા સાઈઠી વટાવી ગયેલા જુવાન ડોસાએ, હું પણ રોજ મોર્નીગવોક કરવા માટે સ્ટેડીયમ જઉ છુ, છેલ્લાં કેટલાય દિવસોથી હું તેમને જોઈ રહ્યો  હતો. આ બધા  ચ્હાની લારી ઉપર આવે ત્યારે તે પહેલા બાજુમાં આવેલા સ્વીમીંગ પુલમાં સ્વીમીંગ કરીને આવે છે. બધા જ ફ્રેશ હોય.

દરેક જણ સ્કુટર ઉપર આવે ત્યારે મોટો મોટેથી ઓ રાકા ઓ રાકા નામની બુમો પાડે.. મને લાગ્યુ કે આ ટોળામાં કોઈનું નામ રાકેશ હશે એટલે તેનું શોર્ટફોર્મ રાકા કર્યુ હશે મેં એક દિવસ એક વડીલને પુછી નાખ્યુ સાહેબ તમારામાં રાકા નામ કોનુ છે,, તે ખડખડાટ હસી  પડયા, તેમણે કહ્યુ અમારામાં કોઈ રાકો નથી, પછી મારા કાન પાસે મોંઢુ લાવતા ધીમા અવાજે કહ્યુ અમે રાકા નથી બોલતા, પણ તમને સંભળાય છે રાકા અમે તો ઓ નાગા કહીને બુમો પાડીએ છીએ., આ તો આ ઉમંરે રસ્તા ઉપર તમને સમજયા તેવી રીતે નાગા કહી બુમો પાડીએ તો તમારી ઉમંરના કહે ડોસાનું ખસી ગયુ છે.

આ બધા જ નિવૃ્ૃત છે, જે ઉમંરે માણસો મંદિરોમાં માળા લઈ બેસે તે ઉમંરે તેઓ મઝા કરે છે. તેમની પાસે પણ તેમના બાળકો અને પરિવારની સમસ્યા હશે પણ તેમની સમસ્યા તેમની ઉપર હાવી થઈ નથી, રોજ સવારે સ્વીમીંગ કરે છે, બહાર નિકળી ચ્હા-નાસ્તા સાથે ઠઠ્ઠા મશ્કરી કરે છે અને પછી ઘરે જાય છે, કદાચ નિવૃત્તી પછી તેઓ મઝાથી સારૂ જીવી ગયા, તેનું કારણ તેમની સવાર સારી થાય છે તેવુ મને લાગ્યુ, આખી જીંદગી પૈસા કમાવવાની દોડ બાદ નિૃવૃત્તી બાદ હવે હું શુ કરીશ તેવી ચીંતા હોય છે, પણ મને અહિયા આવનાર કોઈના ચહેરા ઉપર તે દેખાઈ નહીં, કારણ તેઓ આજમાં જીવે છે.

આ ગ્રુપમાં એક ગુરુજી છે, બધા તેમને ગુરૂજીના નામે સંબોધન કરતા હતા, એટલે મને તેમને મળવાની ઈચ્છા થઈ, તેમનું સાચુ નામ ગીરીશ પટેલ છે, તેઓ મફતલાલ ગ્રુપમાં કામ કરતા હતા, વીસ વર્ષ પહેલા તેમની નિવૃત્તી પછી તેમને વિચાર આવ્યો, મારા મારે માટે  જીવવુ છે અને તેમણે તેમના સમવષ્યક મીત્રોની એક મંડળી બનાવી, રોજ સ્વીમીંગ પુલમાં એકત્ર થાય ત્યારે પાણીમાં પણ 16-17 વર્ષના છોકરડાઓ મસ્તી કરે, તેવુ જ આ બધા કરે છે. ગીરીશ પટેલે કહ્યુ જે માણસો આખી જીંદગી ઘરે ગીઝરના ગરમ પાણીથી ન્હાતા હતા, તે શીયાળીની 10 ડીગ્રી ઠંડીમાં પણ હવે ડર્યા વગર ધુબાકા મારે છે.


માથે સફેદવાળ હોય અને મોંઢામાં ભલે દાંત ના હોય છતાં તેમની અંદર રહેલા બાળકને તેમણે ફરી જીવવાની તક આપી છે, બે દિવસ પહેલા આ બધા વડિલો ત્રણ કાર લઈ આબુ ફરવા ગયા, તેઓ તેમની સાથે બે જુવાન મીત્રો જય વ્યાસ અને હેતલ રાવલને પણ લઈ ગયા. બે દિવસ આબુમાં ખુબ મઝા કરી, જય કહે છે જયારે અમે આબુ જવા નિકળ્યા ત્યારે લાગ્યુ કે અમે આસ્થા ચેનલના કોઈ પ્રવાસમાં જઈ રહ્યા છીએ પણ પાછા ફરતી વખતે લાગ્યુ કે આ તો એમ ટીવીવાળાની ટુર હતી. હેતલે કહ્યુ  અામને મઝા કરતા જોઈ લાગ્યુ કે  આપણે તો જીંદગીની માણી જ નથી,કદાચ એટલે તેઓ જીવી ગયા છે.

મેં આ વડિલ મીત્રો અંગે લખવાનું નક્કી કર્યુ ત્યારે મને વિચાર આવ્યો એક દિવસ હું પણ આમની ઉમંરનો થઈ જઈશ ત્યારે મારા પુત્રને કહીશ મને મંદિર ના લઈ જાય તો ચાલશે પણ બાળક થઈ ગયેલા કોઈ મીત્રને ત્યાં મુકી જજે.

23 comments:

  1. આ તો આપડાવાળા છે ;)

    ReplyDelete
  2. જીના ઈસી કા નામ હૈ........

    ReplyDelete
  3. જીના ઈસી કા નામ હૈ........

    ReplyDelete
  4. ऐ उम्र ! कुछ कहा मैंने पर शायद तूने सुना नहीं,
    तू छीन सकती है बचपन मेरा पर बचपना नहीं !!

    ReplyDelete
  5. ऐ उम्र ! कुछ कहा मैंने पर शायद तूने सुना नहीं,
    तू छीन सकती है बचपन मेरा पर बचपना नहीं !!

    ReplyDelete
  6. ऐ उम्र ! कुछ कहा मैंने पर शायद तूने सुना नहीं,
    तू छीन सकती है बचपन मेरा पर बचपना नहीं !!

    ReplyDelete
  7. ऐ उम्र ! कुछ कहा मैंने पर शायद तूने सुना नहीं,
    तू छीन सकती है बचपन मेरा पर बचपना नहीं !!

    ReplyDelete
  8. ऐ राका।...........

    ReplyDelete
  9. You nailed it, Sir !!! Total outcome of what you have pen down and my 2 days experience with "team raka" is; "age is just a number and state of mind".

    ReplyDelete
  10. Nice writing..I am proud of my father and his friends..Its very true they live like they were in college or school..stay healthy and have fun of your childhood 😁

    ReplyDelete
  11. Nice writing..I am proud of my father and his friends..Its very true they live like they were in college or school..stay healthy and have fun of your childhood 😁

    ReplyDelete
  12. This is called real life..

    No tension, no worries..

    Mare pan aaj ma jivvu chhe..

    Thanks papa & his friends for teaching a nice lesson to the youngsters..

    " live in today, forget worry about the future"

    ReplyDelete
  13. Vashikaran Specialist is a strongest strategy by which an individual can pull in and control anybody spirit and works as indicated by Vashikaran and Black Magic Specialist

    Vashikaran Specialist

    ReplyDelete