Saturday, September 24, 2016

પત્ની બીજા પુરૂષને લાઈન મારે તો આપણને ખબર કેમ પડતી નથી.

 
પ્રતિકાત્મક તસવીર
તેમ જેમ જેમ વાંચતા જશો, તેમ તેમ તમારા ચહેરા ઉપર હાસ્ય આવતુ જશે, અને લાગશે લે આ તો મારી જ વાત છે, કારણ આ ભારતના તમામ ઘરોમાં કયારેકને કયારેક બોલ્યાના વાકયોની વાત છે, મારી ઘરે આવતા મારા મીત્રો જયારે મારા સ્વભાવની વાત કરે એટલે તરત મારી પત્ની કહે જવા દો આ તો હું હતી તો ટકી ગઈ.. બીજી કોઈ હોત તો છોડીને કયારેની જતી રહી હોત.. પ્રશાંત સાથે રહેવુ એટલે કઈ સહેલુ  કામ નથી, હા વાત જયાં સુધી મારા પુરતી સિમિત ત્યાં સુધી કદાચ મારી પત્ની શિવાની સાચી પણ હોઈ શકે, કારણ મને બે-ત્રણ વર્ષે સરળ ચાલતી જીંદગીને રગદોળી નાખી જીવનમાં અશાંતિ ઉભી કરવાનો એટેક આવે છે. આવુ અમારા લગ્નના વીસ વર્ષના ગાળામાં અડધો ડઝન કરતા વધુ વખત થયુ છે ત્યારે તે મારી સાથે અડીખમ ઉભી રહી છે.

પણ હું મારા કહ્યાગર મીત્રોને પણ ઓળખુ છું, તેમની પત્નીઓ પણ કાયમ બલીદાન અને ત્યાગની ભાવનાની વાત જ કરતી હોય છે, મારા પિયરમાં તો પાણી માંગુ તો દુઘ મળતુ હતું, પણ સાસરે આવી પુછી જુવો મેં કોઈ વાતની જીદ કરી નથી, પણ મારૂ મન કહેતુ હોય છે ભાભી તમારી ઈચ્છાઓ પુરી કરવામાં મારો ભાઈ પોતાની ઈચ્છાઓ ભુલી ગયો અને છતાં તેણે કયારેય ફરિયાદ કરી નથી. પુરૂષની હાલત કફોડી હોય છે, સ્ત્રી કાયમ પોતાના ત્યાગની વાત કરી શકે, સ્ત્રી પતિ ત્રાસ આપે છે તેવી ફરિયાદ કરી શકે, પણ જાણે પુરૂષને ત્યાગ સાથે પેઢીઓ સુધી કોઈ સંબંધ જ ના હોઈ શકે તેવી આપણે માની લીધુ છે, તેના કારણે કયારેય પુરૂષો પરિવાર અને ખાસ કરી પત્ની માટે કરેલા કાર્યને ત્યાગ અથવા બલીદાન કહી શકતો નથી, કારણ આ બધુ તો પુરૂષની ફરજમાં આવે છે, સાથે કોઈ પુરૂષ પત્ની ત્રાસ આપે છે તેવુ પણ કહી શકતો નથી કહે  લોકો તેની મઝાક કરે.

પત્નીના ત્રાસ વચ્ચે પણ બીજાની હાજરીમાં પત્નીના વખાણ કરવા પડે ત્યારે પુરૂષનું મન અંદરથી કેટલુ રડતુ હશે તેની કલ્પના કરવા માટે તમારે પરણિત પુરૂષ થવુ જ પડે. મેં હમણાં સુધી અનેક વખત મારા મીત્રોની પત્નીના મોંઢે આ સાંભળ્યુ કે આ તો હું હતી તો અહિયા રહી બાકી બીજી તો હોત તો જતી રહેતી, ત્યારે મને કાયમ મનમાં સારૂ લાગે છે,કે હું એકલો નથી મારા જેવા લાખો પરણિત આ દેશમાં વસે છે, એક વખત વાત નિકળી ત્યારે મેં મઝાકમાં મારા મીત્રની પત્નીને કહ્યુ ભાભી તમે કોઈ પુરૂષને તેવુ કહેતા સાંભળ્યો આ તો હું હતો તો તને સાચવી બાકી બીજો હોત તો લાત મારી કાઢી મુકતો. આ સાંભળી મીત્રની પત્ની હસવા લાગી, તેણે મને કહ્યુ તમે તો દરેક વસ્તુની મઝાક કરો છો, મેં મનમાં કહ્યુ ભાભી હવે તો અમારી જીંદગી રોજ મઝાક બની ગઈ છે પણ કહેવુ કોને ?

જેમ પત્ની આપણને સાચવી ત્યાગની વાત કરે તેવી જ વાત ચારીત્રની પણ આવે, મીત્રો ભેગા થઈ જયારે પત્નીની હાજરીમાં કોઈ સ્ત્રીની વાત કરે એટલે પત્ની કાયમ તડુકતા કહે , જાવને પેલી રાખતી હોય.. મને ખબર છે તે કઈ તમને રાખશે નહીં, મને ખબર છે મારો ખોટો સીક્કો પાછો આવશે.. મારા વગર તમને કોઈ સંઘરે તેમ નથી.. મને કાયમ આ વાત નિકળે ત્યારે લાગે છે પોતાનો પતિ ખોટો સીક્કો છે, તે વાત પત્નીઓ કેટલા આત્મવિશ્વાસથી કહેતી હોય છે.. અને બીજો વિચાર આવે છે, જો અમે ખોટા સીક્કા જ હતા, તો તમારા ફાટેલા નસીબમાં આવી કેમ પડયા,જો કે લગ્નના આટલા વર્ષ પછી આપણે પણ કહી શકતા નથી,મારા નસીબમાં પણ ખોટો સીક્કો પડયો છે. મને લાગે છે કે પત્નીઓ કાયમ તમને  કોઈ રાખે નહીં તેમ કહી ઉશ્કેરે છે, આ તો આપણે જેન્યુઅન એફોર્ટ કર્યા નથી, નહીંતર ખબર પડે કે તે જેને ખોટો સીક્કો કહે છે તે તેનો એન્ટીક સીક્કો છે અને તેનું માર્કેટ હજી પણ કેટલુ ઉંચુ છે.

એક વાત હજી મને ખબર પડતી નથી મેં મારી પત્ની અને મારા મીત્રોની પત્નીઓને અનેક વખત પ્રશ્ન આ પુછયો પણ તેમણે મને સાચો જવાબ આપ્યો  નથી, મને પ્રશ્ન થાય છે  કે જેમ મીત્રો ભેગા થાય અથવા સામે કોઈ રૂપાળી  સ્ત્રી નજરે પડે ત્યારે પત્નીની હાજરીમાં પણ પતિ લાઈન મારી લેવાની તક છોડતો નથી, જો કે પત્ની સાથે હોય ત્યારે  તરત પતિની નજર જોઈ કહે.. બસ હવે શોભતુ નથી. અને પતિ ચોરી કરતા પકડાઈ ગયો હોય તેમ નજર ફેરવી લે છે. પણ જેમ પુરૂષોને સુંદર સ્ત્રીઓ જોવી ગમે છે, તેમ પત્નીઓને પણ પારકા પુરૂષો ગમતા જ હોઈ શકે તે બહુ સ્વભાવીક છે, છતાં તેઓ આપણી હાજરીમાં કયારે અને કેવી રીતે લાઈન મારી લે છે તેની આપણને ખબર પડતી જ નથી. આજે રવિવાર છે હલકો ફુલકો દિવસ પોતાની ઉપર હસી લેવાનો, તો ટાઈમ મળે તો પત્નીને પુછી તો જુવો કે તુ કઈ રીતે લાઈન મારે છે....

17 comments:

  1. Ha Ha ha. Ek nava subject nu rasprad varnan Dada.

    ReplyDelete
  2. Ha Ha ha. Ek nava subject nu rasprad varnan Dada.

    ReplyDelete
  3. Tusharbhai u r right...Prashantbhai ni Ek vaat mane yaad chhe, he was told that, darek purush em mane chhe k teni patni Sita jevi hoy, pan pote Ram jevo hovo joy e e nathi samajto

    ReplyDelete
  4. Tamne kharekhar lage che k aavu pucho to koi sacho javab aape!

    ReplyDelete
  5. In this subject wife or husband making their best efforts to hide such type of secret of each other

    ReplyDelete
  6. In this subject wife or husband making their best efforts to hide such type of secret of each other

    ReplyDelete
  7. Line mare tya sudhi vandho nahi line clear thay to aapde navra thai jai e dada

    ReplyDelete
  8. એ વાત તો એકદમ સત્ય છે કે સ્ત્રીઓને તેમની તારીફ સાંભળવી જ ગમતી હોય છે.કોઇક જ સ્ત્રી પોતાના પતિની તારીફ કરવાની ઉદારતા ધરાવતી હોય છે.જેમ પુરૂષની પોતાની પત્નિની જાહેરમાં મજાક-મશ્કરી કરવાની ખરાબ આદત હોય છે તેવી રીતે સ્ત્રીઓમાં આવી ખરાબ આદત જોવાઇ છે.

    ReplyDelete
  9. Aap ne to mere dil Ki batchhi le sir it is 100% true story of each husbands

    ReplyDelete
  10. હમણાં પરિણીતાઓ ભગવાના કિસ્સા વધ્યા છે.

    ReplyDelete